УЛС
Монгол Улс
ГАРЧИГ
ХАOCT 2020
СУДАЛГААНЫ ТӨРӨЛ
Population and Housing Census
ЦУВРАЛ МЭДЭЭЛЭЛ
Хүн ам, орон сууцны 2020 оны ээлжит тооллогоор Монгол Улсын харьяат хүн ам 3 296 866 болсон. Монгол Улсын хүн ам 2020 онд 1918 оноос 5 дахин, 2010 оноос хойш жилд дунджаар 2.2 хувиар өсжээ. Бүх аймаг, нийслэлд тооллого хоорондын хүн амын жилийн дундаж өсөлт өмнөх тооллогын дүнгээс өссөн байна. Хүн ам, орон сууцны 2020 оны ээлжит тооллогоор 897.4 мянган өрх тоологдсон байна. Энэ нь өмнөх тооллогын дүнгээс 183.6 мянга буюу 25.7 хувиар өссөний дотор хотын өрх 126.8 мянга буюу 26.4 хувиар, хөдөөгийн өрх 56.8 мянга буюу 24.2 хувиар тус тус өсжээ.
Монгол Улсын харьяат суурин хүн амын 83.8 хувийг Халхууд эзэлж, өмнөх тооллогоос 1.4 пунктээр өссөн байна. Казахуудын нийт хүн амд эзлэх хувийн жин 3.8 хувь байгаа нь Халхуудын дараа орж байна. Харин Дөрвөд, Баяд, Буриад угсаатнууд 2010 оноос буурсан байна. НҮБ-ын бичиг үсгийн мэдлэгийн тодорхойлолтын талаарх зөвлөмжийг өмнөх тооллогуудтай адил 2020 оны тооллогод баримталсан. Аль нэг хэлээр энгийн өгүүлбэрийг уншиж ойлгодог, бичиж чаддаг хүнийг бичиг үсэг мэддэг гэж үзсэн ба тооллогод боловсролгүй хүнээс бичиг үсгийн мэдлэгийг асуусан.
15, түүнээс дээш насны хүн амын 98.7 хувь нь бичиг үсэг мэдэж байгаа нь өмнөх тооллогоос 0.4 пунктээр өссөн. Хөдөлмөрийн насны буюу 15, түүнээс дээш насны нийт хүн амын 59.7 хувь нь ажиллах хүчинд багтаж байгаа нь 2010 оноос 3.3 пунктээр өсжээ. Харин ажиллах хүчнээс гадуурх хүн ам (40.3%) 3.3 пунктээр буурчээ.
Хувилбар
ХУВИЛБАРЫН ТАЙЛБАР
- х 2.0:Засварлагдсан мэдээллийн бааз
ҮҮССЭН ОГНОО
2021-03-12
Ерөнхий мэдээлэл
ТОВЧ
Хүн ам, орон сууцны улсын ээлжит тооллогыг явуулах нь Монгол Улс, тэр дундаа Засгийн Газар НҮБ-ын өмнө хүлээсэн үүргээ биелүүлэхээс гадна, засаг захиргааны анхан шатны нэгжийн түвшинд ард түмнийхээ аж байдлыг өрх, иргэн бүрээр тодорхойлж, бодлого хөтөлбөртөө тусгах түүхэн хариуцлагатай үүрэг юм. Энэ ч утгаараа бид НҮБ-аас гаргасан “Хүн ам, орон сууцны тооллогын зарчим, зөвлөмж”-ийн гурав дахь хувилбарыг 2020 оны тооллогод удирдлага болгосон нь олон улсын стандартад нийцсэн, орчин үеийн аргачлалтай тооллого болгосон юм.
Хүн ам, орон сууцны 2020 оны ээлжит тооллогыг зохион байгуулж явуулахдаа Монгол Улсын “Хүн ам, орон сууцны улсын тооллогын тухай” хуулийн 5 дугаар зүйлд заасан зарчмыг мөрдөж тооллогын үе шат бүрд мэдээллийн технологийн ололт, дэвшлийг өргөн ашигласан төдийгүй уг хуулийн 4.1.1 болон 4.1.2 заалтуудад заасан аргуудыг хослуулан явуулсан. Нийт өрхийн 10 хувийн мэдээллийг дэлгэрэнгүй асуулгын маягтаар сонгогдсон өрх бүрд орж (уламжлалт арга), үлдсэн 90 хувийн мэдээллийг богино асуулга буюу Хүн ам, өрхийн мэдээллийн сан болон төрийн байгууллагуудын мэдээллийн санд тулгуурлан бүртгэлд суурилан цуглуулсан.
МЭДЭЭЛЛИЙН ТӨРӨЛ
Census/enumeration data [cen]
СУДАЛГААНЫ НЭГЖ
-Өрх
-Орон сууц
- Өрхийн гишүүд
Хүрээ
ТЭМДЭГЛЭЛҮҮД
Олон улсын зарчим болон НҮБ-ын зөвлөмжийг баримтлан тооллогод хамруулах сэдвүүдийн талаар олон дахин хэлэлцэн, ярилцсаны эцэст тогтсон.
Ажиглалтын хүрээ
ГАЗАР ЗҮЙН ХҮРЭЭ
Улаанбаатар хот болон бүх аймаг, сум, дүүрэг, баг, хороо.
