Аж ахуйн нэгж, байгууллагын 2024 оны орлого, зардлын дэлгэрэнгүй судалгаа (ААНБ-3)-нд "магадлалт бус түүвэр"-ийн аргаар 2050 аж ахуйн нэгж, байгууллагыг ҮСХ-ноос жил бүр зохион байгуулдаг Аж ахуйн нэгж, байгууллагын 2024 оны үйл ажиллагааны хураангуй мэдээ (ААНБ-2)-нд хамрагдсан 26065 нэгжээс сонгосон. Ингэхдээ нийт 134 эдийн засгийн дэд салбарын хувьд 2023 оны борлуулалтын орлогод үндэслэн салбар бүрт ААНБ-ыг ихээс бага руу нь эрэмбэлж, их, дунд, бага орлоготой гэж тэнцүү тооны 3 бүлэгт хуваасан. Тухайн салбар, орлогын бүлэг бүрээс тэнцүү тооны ААНБ-ыг хамруулах зарчмаар 2050 ААНБ-ыг сонгосон. Тухайн салбарт 15 буюу түүнээс бага тооны ААНБ хамаарч байвал нэлэнхүй сонгох;
-1-ээс дээш үйл ажиллагааны чиглэлтэй бол нэлэнхүй сонгох;
-Уул уурхай олборлолт (B), боловсруулах үйлдвэрлэл (С), цахилгаан, хий, уур, агааржуулалт (D), ус хангамж, сувагжилт (E) салбаруудаас түлхүү сонгох гэсэн зарчмуудыг мөрдлөг болгосон.
-Хэрэв сонгогдсон ААНБ олдоогүй, эзэн, захирал нас барсан, мэдээлэл өгөхөөс татгалзсан зэрэг шалтгааны улмаас судалгаанд хамрагдаагүй бол тухайн ААНБ-тай ижил борлуулалтын орлогын бүлэгт хамаарах дараагийн ААНБ-аар орлуулсан.
